મહારાજા ફતેહસિંહ રાવ ગાયકવાડ સંગ્રહાલય અને એની રસપ્રદ માહિતી

વડોદરા, ગુજરાત નું ત્રીજા ક્રમ નું અને ભારત નું સાતમા ક્રમ નું સૌથી મોટું શહેર, ૨૨ લાખ લોકો નું ઘર નું ઘર આ શહેર પાસે છે. વડોદરા ના મહારાજા સયાજીરાવ ગાયકવાડ આ શહેર ને ચેતનવંતુ બનાવ્યું. આ શહેર પાસે સાંસ્કૃતિક વારસા ની અદ્દભુત દેન છે. પાણી દરવાજા, માંડવી દરવાજા, ચાંપાનેર દરવાજા, લહેરીપુરા દરવાજા અને ગેંડી દરવાજા આ ઉપરાંત, લક્ષ્મી વિલાસ પેલેસ અને નજરબાગ પેલેસ વડોદરા ને મળેલો સાંસ્કૃતિક વારસો છે. તો ચાલો આજે અહીંના સાંસ્કૃતિક વારસા સમાન મહારાજા ફતેહસિંહ રાવ ગાયકવાડ સંગ્રહાલય ની મુલાકાત લઈએ.


કેમ મહારાજા ફતેહસિંહ રાવ ગાયકવાડ સંગ્રહાલય ભારતીયો અને વિદેશીઓ માટે આકર્ષણ નું કેન્દ્ર છે ?

ખરેખર માં આ ઇમારતનો ઉપયોગ મહારાજાના બાળકોની શાળા માટે કરવામાં આવવાનો હતો. પરંતુ હાલ આ જગ્યા એ મરાઠા રાજવી પરિવાર ની દરેક કલાકારીની વસ્તુઓ પ્રદર્શિત કરવામાં આવે છે. આ સંગ્રહાલયમાં મહારાજા ગાયકવાડ III ના અસંખ્ય વિદેશ પ્રવાસો દરમિયાન એકત્રિત કરેલી કલાકારીની વસ્તુ ઓ પ્રદર્શિત કરવામાં આવે છે.

મહારાજા ફતેહસિંહ રાવ ગાયકવાડ સંગ્રહાલય નું મુખ્ય કાર્ય ભારતીય અને યુરોપી ચિત્રો સંગ્રહ કરવાનું છે. એમાંય ખાસ તો રાજા રવિ વર્મા ના ચિત્રો. એ વખત ના સમય માં રાજા રવિ વર્મા ના ચિત્રો તે સમય ના વડોદરા ના તત્કાળ મહારાજા ને સોંપવામાં આવ્યા હતા. આ ચિત્રો માં રાજવી પરિવારના ચિત્રો તથા પૌરાણિક કથાઓ પર આધારિત ચિત્રો મુકવામાં આવ્યા હતા. પૌરાણિક કથાઓ આધારિત ચિત્રો માટે રાજા રવિ વર્મા ખુબ પ્રખ્યાત છે.

અહીં આરસ અને કાંસ્ય ના શિલ્પો નો સંગ્રહ છે. અમુક મહાન સ્નાતકો અને કલાકારોની મૂર્તિઓ પણ અહીં મુકવામાં આવી છે. મહારાજા ની ચીન અને જાપાન ની મુલાકાત દરમિયાન એકત્રિત કરેલી ચીની અને જાપાની મૂર્તિઓ પણ અહીં ઉપલબ્ધ છે.

સંગ્રહાલયની ડિઝાઇન માટે મહારાજા દ્વારા પ્રખ્યાત કલાકારોમાંની એક ઇટાલિયન કલાકાર ફેલિસિ રાખવામાં આવી હતી. આ ઇટાલિયન કલાકારે માત્ર સંગ્રહાલય જ નહીં પણ લક્ષ્મી વિલાસ પેલેસ ને પણ શણગારી તેની શોભા ને ચાર ચાંદ આપી દીધા હતા. કલાકાર ફેલિસિ ની કૃતિઓ ને આપણા પોતાના સયાજીબાગ એટલે કે કમાટીબાગ ખાતે પણ મુકવામાં આવી છે.


મહારાજા ફતેહસિંહ રાવ ગાયકવાડ સંગ્રહાલય વિશે અન્ય માહિતી :

મહારાજા ફતેહસિંહ રાવ ગાયકવાડ સંગ્રહાલય ૧૯૬૧ માં બનાવામાં આવ્યું હતું. આમ તો આ સંગ્રહાલય લક્ષ્મી વિલાસ પેલેસ નો જ એક હિસ્સો છે. વડોદરા ના જવાહરલાલ નહેરુ માર્ગ પર આ સંગ્રહાલય આવેલું છે. સોમવાર અને અમુક સરકારી રજાઓ ના દિવસે સંગ્રહાલય બંધ રાખવામાં આવે છે. અહીંની પ્રવેશ ફી ભારતીય માટે ૨૦ રૂપિયા અને ૧૦૦ રૂપિયા વિદેશી મહેમાનો માટે છે. સવારના ૧૦ થી સાંજના ૫ સુધી આ સંગ્રહાલય ખુલ્લું રાખવામાં આવે છે. અહીં ફોટોગ્રાફી માટે મનાઈ ફરમાવામાં આવી છે.

કલાનગરી ના આ સ્થળની મુલાકત તમે લીધી જ હશે અને ના લીધી હોય તો અચૂક આ સ્થળ ની મુલાકત લો. આવા નવીનત્તમ સ્થળો ની માહિતી મેળવવા જોડાયેલા રહો અમારા પેજ સાથે.

About the author

Deep Shah