ઔરોબિંદો આશ્રમ અને તેના સ્થાપન વિશે ની વાતો

વડોદરા ફક્ત તેના સાંસ્કૃતિક વારસા માટે નથી જાણીતું પણ ધ્યાન, શાંતિ અને યોગ કરી શકાય એવા સુંદર વાતાવરણ માટે પણ જાણીતું છે. તો ચાલો આજે આજે વાત કરીએ વડોદરા ના સૌથી શાંત અને રમણીય સ્થળ ઔરોબિંદો આશ્રમ વિશે ની.

એકાંત માં બેસી, આંખો બંધ રાખી મંત્ર જાપ ના રટણ સાથે કરવામાં આવતી ક્રિયા ને ધ્યાન કહેવામાં આવે છે. ધ્યાન ચિંતા, તણાવ, પીડા દૂર કરવામાં મદદરૂપ થાય છે. આટલી સુંદર ભાવના સાથે શ્રી ઔરોબિંદોએ વડોદરા ના દાંડિયા બજાર નજીક ઔરોબિંદો આશ્રમ ની સ્થાપના કરી. જેનો મુખ્ય આશય સમાજ ના લોકો ને ચિંતા, તણાવ, પીડા થી દૂર રાખવાનો હતો અને લોકો ને યોગ, ધ્યાન અને શાંતિ નું મહત્વ સમજાવવાનું હતું.


શ્રી ઔરોબિંદોનો પરિચય :

15 ઓગસ્ટ 1872 માં જન્મેલા શ્રી ઔરોબિંદો એક ભારતીય ફિલસૂફ, કવિ ,ગુરુ, યોગી અને રાષ્ટ્રવાદી હતા. ઇન્ડિયન સિવિલ સર્વિસ ની તાલીમ લીધા બાદ તેઓ ભારતીય રાજકારણ અને બંગાળ ની ક્રાંતિકારી ચળવળ માં જોડાયા. બ્રિટિશ નિયમો વિરુદ્ધ લેખ લખવા બદલ બ્રિટિશ સરકાર ઘ્વારા તેમને જેલવાસ કરવામાં આવ્યો. જેલવાસ દરમિયાન તેમને કેટલીક આધ્યત્મવાદી અને રહસ્યમય અનુભૂતિ થઇ. જેલવાસ બાદ બાદ તેઓ પોન્ડિચેરી ગયા અને આધ્યાત્મિક પ્રવૃતિઓ માટે રાજકારણ છોડ્યું અને ઔરોબિંદો આશ્રમ ની સ્થાપના કરી.


શ્રી ઔરોબિંદોનું સાહિત્યિક કામ :

એમનું મુખ્ય સાહિત્યિક કામમાં ‘દૈવીય જીવન’ કે જેમાં આંતર યોગ ની વાત કરવામાં આવી છે. એ સિવાય સાવિત્રી: દંતકથા અને પ્રતીક, મહાકાવ્ય અને વેદ, ઉપનિષદ અને ભગવત્તં ગીતા પર વિવરણ કર્યું છે. તેમની ૧૯૪૩ માં સાહિત્યમાં નોબેલ પુરસ્કાર માટે નિમણુંક કરવામાં આવ્યા હતા. અને ૧૯૫૦ માં નોબેલ શાંતિ પુરસ્કાર માટે નિમણુંક કરવામાં આવ્યા હતા. તો ચાલો હવે વડોદરા માં આવેલા આ ઔરોબિંદો આશ્રમ ના ઇતિહાસ વિશે વાત કરીએ.


ઔરોબિંદો આશ્રમ નો ઇતિહાસ :

વડોદરા ના સયાજીરાવ ગાયકવાડ ત્રીજા ના સમય દરમિયાન શ્રી ઔરોબિંદો, મહારાજાના અંગત સચિવ તરીકે બંગલામાં રહેતા હતા. આ સમયગાળા દરમિયાન કેટલાક પ્રખ્યાત લોકો આ બંગલાની મુલાકાત લેતા હતા- જેમ કે લોકમાન્ય તિલક, બિપીન ચંદ્ર પાલ, સિસ્ટર નિવેદિતા, સખારામ ગણેશ દેવાસેકર અને કેટલાક મરાઠી યોગી સંતો. ઓરોબિંદો ઘોષની પત્ની મૃણાલીની દેવી, બહેન સરોજિની દેવી અને તેમના નાના ભાઈ, બરિંદર કુમાર ઘોષ જે જાણીતા સ્વાતંત્ર્ય સેનાની હતા તેઓ વારંવાર મુલાકાત કરતા. બંગલામાં 23 મોટા અને નાના રૂમ છે અને આશરે 55,000 ચો.ફૂટની ખુલ્લી જમીન હતી.

આવા સુંદર સ્થળો વિશે માહિતી મેળવવા માટે અમારી સાથે જોડાયેલા રહો.


Aurobindo Ashram

સૌજન્ય – હોલિડિફાય.કોમ

 

About the author

Deep Shah